अपाङ्ग वाल अस्पताल तथा पुनःस्थापना केन्द्र (HRDC), नेपाल

अपाङ्ग वाल अस्पताल तथा पुनःस्थापना केन्द्र (HRDC) को सुरुवात प्रा. डा. अशोक के. बान्सकोटाको प्रेरणादायी दृष्टिकोणबाट भएको हो। अमेरिकाको न्यूयोर्कमा चिकित्सकीय तालिम र बोर्ड सर्टिफिकेसन सम्पन्न गरेपछि, डा. बान्सकोटा १९७७ मा नेपाल फर्किनुभयो। यहाँ फर्किएपछि वहाले शारीरिक रूपमा अशक्त बालबालिकाहरूका लागि पर्याप्त सेवा सुविधा नहुनुको वास्तविकता देख्दा अत्यन्तै दुःखी हुनुभयो। त्यसपछि, १९८५ मा वहाले आर्थिक रूपमा कमजोर र अशक्त बालबालिकालाई लक्षित गरी एउटा सानो कार्यक्रम सुरु गर्नुभयो। त्यही सानो प्रयास आज एक परिवर्तनकारी संस्था अपाङ्ग वाल अस्पताल तथा पुनःस्थापना केन्द्र (HRDC) को रूपमा रूपान्तरित भएको छ, जसले हजारौं विपन्न नेपाली बालबालिकाहरूलाई जीवन परिर्वतन गर्ने सेवा प्रदान गरिरहेको छ। डा. बान्सकोटाको सपना अझै पनि नेपालका सामाजिक तथा आर्थिक रूपमा वञ्चित बालबालिकाहरूका लागि अझ समावेशी र सहानुभूतिपूर्ण भविष्य निर्माण गर्दै अगाडि बढिरहेको छ। आज अपाङ्ग वाल अस्पताल तथा पुनःस्थापना केन्द्र (HRDC) को नेतृत्व दोस्रो पुस्तामा हस्तान्तरण भइसकेको छ। डा. विवेक बान्सकोटा, आफ्ना पिता प्रा. डा. अशोक कुमार बान्सकोटाको बाटो पछ्याउँदै, यो जिम्मेवारी निष्ठा र कुशल दृष्टिकोणका साथ निभाउँदै आइराख्नुभएकोछ। वहाले आफ्नो पिताको सपना जोगाउने र निरन्तरता दिनका लागी उस्तै जोश, करुणा र प्रतिबद्धताका साथ शारीरिक रूपमा अशक्त बालबालिकाको जीवन रूपान्तरण गर्ने मिशनलाई अघि बढाउँदै एउटा उत्कृष्ट उदाहरण प्रस्तुत गर्नुभएको छ। ।